Inamin ni President Ferdinand Marcos Jr. a dismayado dagiti Pilipino iti nabuntog a serbisyo ti gobierno ta saanda a marikna.
Ti sarita ni President Marcos ket maibasar ti nasursurona iti napalabas nga eleksyon.
Segun ken ni Pres. Marcos, malaksid iti nabuntog a serbisyo ti gobierno ket nangisayangkaten dagiti umili iti naariwawa a politika.
Kinunana nga uray isuna ket mabuntogan kadagiti proyekto kangrunaan ti transportasyon isu a rumbeng laeng a mapadaras dagiti proyekto nga adda long term effects-na iti publiko.
Ti kangrunaan a tutokanda ket dagiti dadakkel a proyekto a kas ti turismo, salun-at ken dadakkel a proyekto iti transportasyon.
Kalikagum ti presidente nga agbalin a naannayas ti panagbiahe dagiti umili.
Kiddawna pay ita a nalpasen ti eleksyon nga isardengen ti panagpipinabasol ta panawenen tapno agtrabaho para iti panagdur-as iti pagilian.
