--Ads--
Kinondena ti Philippine National Police ti panangdangran dagiti raliyista kadagiti 7 a pulis iti napasamak a riribuk iti rally idiay Metro Manila idi kalman, Labor Day.
Segun ken ni PNP Spokesperson PBGen. Randulf Tuaño, ti panangdangran ken panagtakaw iti cellphone kadagiti kapulisan ket maimbestigaran ken madusa dagiti adda pagbasulanna.
Maysa kadagiti mapilaan iti kaso ti raliyista a bigla a nangdanog iti maysa a pulis a nagsagaba iti skull ken wrist injury, ken isu pay ti nagtakaw iti cellphone iti maysa pay a pulis.
Nupay kasta, generally peaceful met ti assessment ti PNP kadagiti rally ken naipatungpal ti kapulisan ti maximum tolerance iti nasao nga aktibidad.
-- ADVERTISEMENT --
