--Ads--
Bimmaba iti 4.4 million a metriko tonelada ti apit nga irik iti umuna a quarter ti 2026, segun iti Philippine Statistics Authority.
Nababbaba iti 6.2 percent no ikumpara iti isu met laeng a panawen idi napan a tawen, ken kababaan sipud idi 2019.
Segun iti Department of Agriculture, bimmassit dagiti nagmula gapu iti nababa a farm-gate price idi napalabas a season.
Nakaapektar pay ti nagsasaruno a bagyo iti maudi a paset ti 2025 a nangitunda iti layus ken pannakadadael dagiti kapagayan, nangruna iti Cagayan Valley ken Western Visayas.
-- ADVERTISEMENT --
Namnamaen ti DA a makabawi ti produksion kadagiti sumaruno a bulan gapu iti panagpangina ti presio ti irik, nga ita ket P22 agingga P27 kada kilo, manipud iti dati a P10 agingga P12.
