--Ads--
Dinayaw ti Presidential Communications Office ti napaspas a panagtignay ti National Bureau of Investigation iti panangipila iti kaso ken pannakakemmeg ti dati a broadcaster a ni Jay Sonza mainaig iti mapapati a panagiwarasna iti saan a husto nga impormasion iti salun-at ni Presidente Ferdinand Marcos Jr.
Segun ken ni PCO acting Secretary Dave Gomez, saan a palabsen ti gobierno ti panagraira ti saan a husto nga impormasion, nangruna no aglanglanga a lehitimo a damag.
Kunana a saan a simple nga opinion ti fake news no di ket panangallilaw a mangdad-dadael iti talek ti publiko ken mabalin a mangitunda iti peggad.
Inyunay-unay ti PCO a nawaya ti panangipeksa ngem adda katukadna a responsibilidad ken saan a lisensia tapno agsalawasaw.
-- ADVERTISEMENT --
