--Ads--
Pinasingkedan ni Presidente Ferdinand Marcos Jr. ti kinapateg ti natibker a panagtinnulong ti national ken local a gobierno tapno epektibo a maipaay ti serbisio kadagiti Pilipino.
Segun ken ni presidente Marcos, saan a naan-anay ti programa ti national government no saan a suportaran dagiti lokal nga opisial kas ti mayor, board members ken barangay chairman.
Impudno pay ti presidente a saan a kaya nga aramiden ti national government dagiti proyekto no awan ti kooperasion dagiti local government units.
Innayon ni Marcos a ti husto a balligi dagiti programa ti gobierno ket nakadepende iti agkaykaysa a panag-tignay ken dedikasion ti amin a lebel ti gobierno.
-- ADVERTISEMENT --
