Imbilin ni Pres. Ferdinand Marcos Jr. kadagiti ahensia iti gobierno nga adalen dagiti nayon nga addang kontra iti layos pakairamanan iti pannakaipatakder ti rainwaters cisterns.
Segun ken ni Palace Press Officer Atty. Claire Castro, addaan iti tallopulo a sites a nadakamat para iti posible a pannakaipatakder dagiti cistern.
Manamnama met a maleppas ita a bulan ti detailed engineering sakbay a marugian iti panagkali.
Impaganetget ni Castro a kayat ti presidente a masigurado ti naurnos a pagnaan ti danum ken no kasano a pakairanudan iti maurnong a danum iti layos.
Karaman pay iti maidurduron ti addang kontra iti layos ti panangpasayaat dagiti seawall, regular a panagdalus kadagiti karayan ken pagnaan iti danum ken panangsigurado iti agtultuloy nga operasion dagiti pumping station.
