Pinasingkedan ti Malakanyang a masapul a respetaren ken masapul a suroten ti agbalin a decision ti Korte Suprema iti naipila a petition for certiorari maipapan iti panang-kwestionar ti voting threshold no panagbotosan iti impeachment case ni Vice President Sara Duterte.
Daytoy ti statement ti Malakanyang kalpasan a nagipila ti petition for certiorari iti Korte Suprema ni dating Executive Secretary Victor Rodriguez tapno ideklara a null ken void ti Senate ruling ken nagkiddaw pay ti Temporary Restraining Order (TRO) ken Writ of Preliminary Injunction tapno malapdan ti pannakaipatungpal ti baro a pagannurotan iti panagbotos.
Nupay kasta, impaganetget ni Palace Press Officer Atty. Claire Castro nga aniaman ti agbalin decision ti Korte Suprema ket masapul a suroten.
Binabalaw pay ni Castro dagiti alegasion nga interesado ti administrasion iti pagbanagan ti impeachment case.
Kinarit ni Castro dagiti agar-aramid ti akusasion a paneknekan dagiti ibagbaga-da.
