Impaganetget ni Marikina Rep. Miro Quimbo a saan a dakes ti flood control projects isu a rumbeng nga ituloy laeng iti gobierno tapno masalakniban iti publiko kontra iti layos, kas iti napasaran dagiti umili iti siudadda.
Segun ken ni Quimbo, dakkel iti naitulong ti flood control projects idiay Marikina a mismo a national government iti nangpondo ken nang-implementar babaen ti tarabay ti Japan International Cooperation Agency (JICA).
Kinunana a kasapulan a mapondoan latta ti flood control ngem masapul laeng nga aramiden iti nasayaat, agbalin a transparent ken adda accountability dagiti tattao.
Pinasingkedanna a nakaporman dagiti safeguards iti panagpatakder kadagiti flood control projects tapno masigurado a maipatakder dayta iti nasayaat ken saan a pagkuartaan dagiti korap a kameng iti gobierno.
