Manamnama nga aglabes iti P21 trillion ti pakabuklan nga utang iti gobierno iti panagleppas iti 2027 kas pinasingkedan ti Department of Budget and Management (DBM).
Maibasar iti listaan ti Budget of Expenditures and Sources of Financing (BESF), umabot iti P21.48 trillion ti outstanding debt iti gobierno inton 2027 wenno 8.7% a nangat-ngato no yarig iti revised a P19.77 trillion ita a tawen.
Iti pakabuklan nga utang P14.28 trillion ti aggapu iti domestic creditors idinto a P7.2 trillion met manipod external sources.
Segun ti DBM, karaman dagiti rason iti panagpangato iti utang ti panagbaba ti gatad ti piso kontra iti dadduma a currency ken ti panagbuntog iti fiscal consolidation program.
Kabayatanna, impangato ti Marcos Administration ti targetda a panagutang iti P3.3 trillion manipod iti dati a P2.73 trillion.
