--Ads--
Awan pay ti sigurado a petsa no kaano a maawat dagiti kameng ti gobierno, agraman dagit pampubliko a mangisursuro ti 2024 Performance-Based Bonus (PBB)-da.
Dayta ket iti baet ti pammilin ni Presidente Ferdinand Marcos Jr. iti Department of Budget and Management (DBM) a mapadaras ti panangiproseso kadagiti insentibo.
Segun ken ni Palace Press Officer Undersecretary Claire Castro, ur-urayen laengen ti DBM ti pannakaipasa ti Form 1.0 manipud kadagiti maseknan nga ahensia ti gobierno.
Ti PBB ket insentibo a mabalin nga umabot iti 65 percent iti binulan a sueldo dagiti kwalipikado a kameng kas pammigbig iti laingda a mangakem ken agserbi iti publiko.
-- ADVERTISEMENT --
