Immapela ni Pope Leo XIV iti Israel nga ipalubos ti humanitarian aid a sumrek idiay Gaza ta makapaladingit iti mapaspasamak kadagiti Palestinian.
Ni Pope Leo XIV wenno dati a Cardinal Robert Prevost ket nabotosan a lider iti Catholic Church idi May 8 a kasukat daydi Pope Francis.
Namin-anon a daras a sinarita ti Santo Papa iti sitwasyon idiay Gaza iti umuna pay laeng a lawas a panagakemna.
Iti umuna a mensahena kas baro a Santo Papa ket impanawaganna ti immediate ceasefire ken ti pannakawaya-waya dagiti Israeli hostages a dinukot dagiti militant group Hamas.
Segun ti Israel idi Lunes, palubosanda ti tulong a sumrek idiay Gaza kalpasan ti sangapulo ket maysa a lawas a blockade iti enclave, ngem kinuna ti United Nations nga awan pay laeng iti naiwaras agingga idi Martes.
