Dimmar-ay da Pres. Ferdinand Marcos Jr. ken First Lady Liza Araneta Marcos iti 100th Canonical Coronation Anniversary iti Our Lady of the Rosary of Manaoag iti Minor Basilica of Our Lady of Manaoag.
Ti aktibidad ket maysa a pakasaritaan a panagrambak iti simbaan katolika nga umaboten iti sangagasut a tawen iti pammati dagiti Katoliko.
Maibasar ti pakasaritaan, ni Doña Josefa Edralin Marcos a lola ti presidente ti nangidaulo ti koronasyon ti golden canonical celebration idi 1975.
Ti korona ti Virgin Mary ket iniggaman ti presidente ken binendisyonan ni Papal Nuncio to the Philippines Archbishop Charles Brown iti napasamak a seremonya iti koronasyon iti Our Lady of Manaoag.
Kalpasan ti aktibidad ket nagsubli met laeng iti Manila ti presidente tapno idauluan ti panagsapata iti puesto ni Mel Senen Sarmiento kas Presidential Adviser on Peace, Reconciliation and Unity idiay Malakanyang.
