Pinasingkedan ni Lanao del Norte Rep. Zia Alonto Adiong a rumrumuar nga adu iti ammo ni Vice President Sara Duterte iti patangan ti pammapatau gapu iti saritana iti maysa a rally idiay The Hague, Netherlands nga iti gatad a P5,000 ket makaalan iti hired killer iti Pilipinas.
Segun ken ni Adiong, saanna koma a kayat a panunoten a ti bise presidente ket adda mastery-na iti pammapatay iti kalsada ken kinaranggas ngem isuna mismo iti nangilatag.
Kinunana a ti umuna a saludsod a rumbeng a damagen dagiti umili ket no kasano nga ammo ti bise presidente iti detalye kas maibasar iti panag-illustrate-na.
Impaganetget ni Adiong a sumangsango ti bise presidente iti reklamo maipanggep iti mapapati nga addan iti nakasaritana a mangpapatay kada Pres. Ferdinand Marcos Jr., First Lady Liza Araneta Marcos, ken dati nga Speaker Ferdinand Martin Romualdez no isu ket mapapatay.
Inallukoy ti agpampanday linteg ni Duterte nga ibingay kadagiti otoridad ti aniaman nga impormasion nga ammona maipanggep iti pammapatay.
