Saan a kabaelan a paglibakan dagiti abogado ni Vice President Sara Duterte ti inaramid a panagpangtana kada Pres. Ferdinand Marcos Jr., First Lady Liza Araneta Marcos ken dati a House Speaker Martin Romualdez isu a ti National Bureau of Investigation (NBI) ti panangidasdas-ananda.
Dayta iti sungbat ti Malakanyang kalpasan a kinuna ti defense team ni VP Sara iti impeachment court a mapapati nga impartial ti imbestigasyon ti NBI iti isyu.
Segun ken ni Palace Press Officer Atty. Claire Castro, abogado ti depensa iti bise presidente ken ammoda no ania dagiti mandato iti NBI.
Kinunana a saan a rumbeng a maiyakar ti argumento ta saan a mailibak a nagpangta ti bise presidente ken nakita iti intero a pagilian ti inaramidna.
Pinasingkedanna a nakita dagiti umili no ania iti inaramid ti bise presidente isu nga insaludsodna no ania iti mapagdudua-an iti panag-imbestigar.
