Pinasingkedan ti Philippine National Police (PNP) a naka-activate ti nationwide security ken public safety plan tapno masigurado iti nakappia nga Undas 2025.
Segun ken ni PNP Acting Chief Police Lieutenant General Jose Melencio Nartatez Jr., indeployda ti police visibility ken inyetnag ti nainget a security measure kadagiti transport terminal, kamposanto ken amin a public spaces iti intero a pagilian kasangwanan iti panagado iti biahero.
Kinunana a 62,868 a personnel iti PNP, Armed Forces of the Philippines, Bureau of Fire Protection, ken Philippine Coast Guard a naideploy iti intero a pagilian para iti Oplan Ligtas Undas 2025.
Impaganetgetna ti panangsalaknibda kadagiti Pilipino nga agbiahe tapno makadua dagiti ay-ayatenda ita a gundaway.
Pinalagipan ni Nartatez dagiti PNP officer nga agtalinaed nga alerto, visible ken approachable idinto a naallukoy iti publiko nga ireport kadagiti otoridad dagiti makapadudua nga aktibidad.
