VIGAN CITY – Binilin ni Philippine National Police Chief Police General Rommel Francisco Marbil dagiti opisial nga agpokusda iti kinatalged ti publiko ket saanda a serbian dagiti pribado a tao.
Dayta ket kalpasan ti pannakakemmeg ken pannakaipila ti administrative cases kadagiti dua a pulis ti Special Action Force a naduktalan nga agserserbi a bodyguard ti maysa a Chinese citizen nga aggigyan iti uneg ti maysa nga exclusive residential village idiay Alabang, Muntinlupa City.
Segun ken ni Marbil, ti trabahoda ket ti mangsigurado iti kinatalged dagiti umili, isu a masapul a dagiti pulis ket adda latta a kanayon a mangsungbat iti aniaman a kasapulan ken pakaseknan ti publiko.
Babaen iti pannakaiparit ti moonlighting, nadardaras a makarespondeda iti ania man a sitwasyon.
