--Ads--
Binalakadan ti Philippine National Police dagiti lider ti barangay a salwadanda dagiti kalugaranda kontra iti ania man nga aksidente ita nga umadani ti Baro a Tawen.
Impasigurado ni PNP Chief Lt. Gen. Jose Melencio Nartatez Jr a makipaset ti kapulisan iti panangsigurado iti kinatalged ti publiko.
Pinalagipan pay ti opisial ti publiko nga agannad iti selebrasyon ken liklikan ti agpaputok.
Maibasar iti kaudian a listaan ti Department of Health, umaboten iti 91 ti nabiktima iti paputok manipud Disyembre 21 agingga 27.
-- ADVERTISEMENT --
Kaaduan a nairekord ket iti National Capital Region nga adda 40 a kaso, sarunwen ti Ilocos Region a 10, ken Western Visayas a 8.
