VIGAN CITY- Agplead guilty itatta nga aldaw, February 18, dagiti pito a babbai a naaktuan dagiti otoridad nga agpupusoy dos idiay Tocgo, Candon City idi alas singko trenta y singko ti malem idi February 16.
Segun ken ni Police Chief Inspector Reneboy Lata, deputy chief of police ti Candon City police station, saan da nga agkurkurang a mangipalpalagip kadagiti tattao a masakupan da a maiparit iti panagsugal ngem adda latta dagiti sukir nga ilibas da ti agsugal ta aggagatel ti ima da a makaiggem iti baraha.
Gapu ta awan iti opisina idi kalman, nagtalinaed iti police station dagiti nagsusugal a da Marilou Gamoso Manzano nga agtawen iti lima pulo ket maysa, Catherine Laguey Manzano nga agtawen iti tallo pulo, Desiree Azada Pineda nga agtawen iti uppat a pulo ket pito, Leonora Marbel Manzano nga agtawen iti uppat a pulo ket maysa, Marichu Mrbel Tejada nga agtawen iti uppat a pulo ket maysa, Jennylyn gagarin Marbel nga agtawen iti tallo pulo ket maysa kenni Judith Del Rosario Galanta nga agtawen iti tallo pulo ket uppat nga agpapada nga agnaed iti nasao a lugar.
