--Ads--
Pito a kakunsabus ni dismissed Bamban, Tarlac Mayor Alice Guo ti simmukon kadagiti otoridad, segun iti National Bureau of Investigation.
Segun ken ni NBI Dir. Jaime Santiago, lima kadagiti simmuko iti NBI Central Luzon idinto a dua iti Task Force Alice Guo.
Binigbig ni Santiago dagiti nasao a persona a responsible iti Hongsheng Incorporators ken Zun Yuan Incorporators, a madakdakamat a bogus corporation ti dati a mayor.
Idi napan a lawas ket nangiruar iti Pasig Regional Trial Court Branch 167 dagiti warrant of arrest kontra kadagiti co-accused ni Guo iti non-bailable case a qualified human trafficking.
-- ADVERTISEMENT --
Innayon ti NBI chief nga amin a simmuko ket naaramat laeng ida, ngem kunana a maamuanto met laeng ti kinapudno no maidalanton iti trial.
