Nadunor dagiti nagkalubbon iti panagdinnungpar dagiti 2 a motorsiklo iti Burgos Street, Barangay IV, Vigan City, Ilocos Sur.
Karaman iti aksidente ti maysa nga Ivory Suzuki Raider a motorsiklo a minaneho ti lalaki nga agtawen iti duapulo, engineering technician, taga-Barangay Pantay Daya, Vigan City.
Ti met black Motoposh motorcycle ket minaneho ti lalaki nga agtawen iti uppat a pulo ket tallo, kinalubbonna ti lalaki nga agtawen iti uppat a pulo ket dua, agpada a construction worker, taga-Barangay San Pedro Sur, Vigan City.
Agpapadaya ti Suzuki Raider idinto nga adda iti bangir a linya ti Motoposh motorcycle.
Nagsikko a mapan iti kannigid ti Motoposh ket nagdinnungparda ti Raider.
Naipaagas iti ospital dagiti nadunor a nagkalubbon iti Motoposh ket naduktalan a nakainomda idi mapasamak ti aksidente.
