Makaawat ti tulong nga aggapu iti gobierno dagiti agawid nga Overseas Filipino Workers (OFW) manipod Lebanon iti baet ti tensyon a mapapasaran iti nasao a pagilian.
Segun ken ni Department of Migrant Workers Sec. Hans Leo Cacdac, kasaruno ti bilin ni President Ferdinand Marcos Jr. nga ingato ti tulong a maipaay kadagiti marepatriate a Pilipino ket agbalinen a P75,000 iti financial assistance manipod iti dati a P50,000.
P75,000 manipod DMW idinto a P75,000 manipod Overseas Workers Welfare Administration (OWWA).
Saan laeng a dagiti dokumentado a Pilipino ta uray dagiti undocumented ket maipaayan ti nasao a tulong.
Karaman pay iti awaten a tulong dagiti agawid a Pilipino ket ti physical check-up ken psychosocial counseling manipod Department of Health (DOH), financial assistance manipod Department of Social Welfare and Development (DSWD), training vouchers manipod Technical Education and Skills Development Authority (TESDA), employment facilitation iti Department of Labor and Employment (DOLE), livelihood and entrepreneurship training manipod Department of Trade and Industry (DTI), ken panag-assist ti Department of Agriculture (DA) ken Department of Tourism (DOT) nu bilang kayatda iti agpuonan ti agri ken tourism-related businesses.
