VIGAN CITY – Impakaammo ti Philippine Health Insurance Corporation ti panagpangatoda ti benefit package para kadagiti ma-confine iti neonatal sepsis ken angkit.
Ti addang ket kagiddan ti panagpangato ti bilang dagiti pasyente a naka-confine gapu kadagiti nasao a sakit.
Segun ken ni PhilHealth President ken CEO Emmanuel Ledesma Jr. epektibo idi May 1, 2024, ti benefit package para ti neonatal sepsis ket P25,793 manipod ti dati a P11,700 a 120% iti ngimmatoanna.
Ti met bronchial asthma in acute exacerbation manipod ti P9,000 ket nagbalinen a P22,488 kalpasan a naingato iti 150%.
Segun ti World Health Organization, tallo manipod iti sangapulo a pasyente iti intero a lubong ti adda neonatal sepsis-na ti mamatay ket ibilang iti Pilipinas a leading causes ti neonatal death dagiti maladaga a 28 days agpababa.
