VIGAN CITY – Inpatangkaen ti Philippine Navy a saanda nga ipalubos iti tropa nga agaramat ti puersa wenno kinaranggas para iti balligi a misyon malaksid laengen nu para iti panangdepensarda iti bagida.
Dayta ti nakuna ni PH Navy spokesperson for the West Philippine Sea Commodore Roy Vincent Trinidad kalpasan ti narangas nga inaramid ti pwersa ti China Coast Guard (CCG) kadagiti kameng ti otoridad ti Pilipnas bayat a manarimaan ti resupply mission iti Ayungin Shoal a nagresulta iti pannakadadael dagiti inflatable boat, panangtakawda kadagiti paltog ken pannakadangran dagiti dadduma a kameng ti Philippine Navy
Innayonna nga ikagkagumaanda a saan a ti Pilpinas ti umuna nga agpaputok ti paltog kontra iti CCG .
Inpakaamo met ti pannakangiwat ti China a ni Gan Yu a ti inaramidda nga addang ket maysa a control measure banag a kinondenar dagiti opisial ti Pilipinas ken dagiti kaalayado a pagilian.
