Nabalakadan dagiti Pilipino idiay Qatar, Saudi Arabia ken Iraq nga agtalinaed a natalged ken mapan iti natalged a lugar kasaruno iti insayangkat a missile attack iti Iran iti US airbase idiay Qatar.
Allukoyen ti embahada dagiti Pilipino nga agmonitor latta iti damag ken pakaammo manipod iti Philippine embassy officials wenno local authorities ken agsagana iti taraon, danum ken agas.
Imbalakad met ti Philippine Embassy idiay Riyadh nga agmonitor iti damag dagiti Pilipino babaen kadagiti mapagtalkan laeng a source ken kitaen ti advisories nga iruar ti Philippine Embassy in Riyahd, Philippine Consulate General in Jeddah ken local Saudi authorities.
Nakasagana met ti Philippine Embassy idiay Riyadh ken Philippine Consulate General idiay Jeddah iti panangipaayda ti tulong kadagiti amin a Pilipino idiay Kingdom.
Binalakadan met ti Philippine Embassy idiay Iraq dagiti Pilipino nga agtalinaed a natalged ken agmonitor iti damag ken kontaken laeng ti Embassy Hotline para ti emergencies.
