Umabot iti P135.3 milyon ti gatad ti perdisyon ken lugi ti sektor ti agrikultura gapu ti panagduprak dagiti naglabas a bagyo Maymay ken Luis ken gapu ti epekto ti Habagat.
Basar iti agtultuloy a damage assessment ti regional offices ti Department of Agriculture, nairekord dagiti perdisyon iti agrikultura iti Ilocos Region, Central Luzon, Calabarzon, Mimaropa ken Western Visayas.
Mapatta-patta, a nasurok 4, 000 nga ektarya ti naapektaran nga agricultural areas.
Kakaroan a na-lugi kadagiti commodities ket ti bagas, sumaruno ti mais, high value crops, livestock, ken poultry kasta met dagiti pasilidad iti irigasion, machines ken equipment.
Kas sungbat, pinasingkedan ti DA a mabalin nga ag-avail dagiti apektado a mannalon ti P106.5 milyon a gatad ti farm inputs kas ti bagas, mais, ken bukel dagiti nateng.
Mabalin da pay nga ag-avail ti agingga P25, 000 a loan manipud iti Survival and Recovery Loan Program ti Agricultural Credit Policy Council.
