--Ads--
Umaboten iti walo ti naipadamag a natay gapu iti epekto ti Habagat ken dagiti napalabas a bagyo Luis ken Maymay segun, iti National Disaster Risk Reduction and Management Council (NDRRMC).
Basar iti kaudian a report ti NDRRMC, dua nga indibidwal ti natay idiay Rizal gapu ti rockslide, dua idiay Batangas gapu iti pannakalmes ken electrocution, dua idiay Benguet gapu ti landslide, ken dua pay idiay La Union.
Adda pay maysa a mapukpukaw idiay Batangas ken pito ti nadunor idiay Benguet gapu ti landslide ken aksidente iti kalsada.
Kabayatanna, agtultuloy ti pannaka-layus iti sumagmamano a paset ti Ilocos Region, Central Luzon, MIMAROPA, Cordillera Administrative Region, ken CALABARZON gapu iti awan sarday a panagtudo.
-- ADVERTISEMENT --
