--Ads--
Natay ti maysa a truck helper kalpasan a makoriente kabayatan ti panagisimpana iti tali iti rabaw ti 10-wheeler truck iti Bypass Road, idiay Barangay Ayudante, Candon City, Ilocos Sur.
Ti biktima ket lalaki nga agnaed iti ili ti Cabugao.
Maibasar iti inisial nga imbestigasion, imparking ti biktima ken ti kaduana ti trak a naglaon iti nadumaduma a strap iti paset ti Bypass Rpad tapno simpaen ti tali iti rabaw ti trak ta nadlawda a limmukay.
Kalpasan ti panangsimpada, bimmaba ti helper idinto a ti biktima ket nabati iti ngato, ket aksidente a nasagidna ti kable ti kuryente nga asideg iti lugar a nangiparkinganda iti trak, a puon ti pannakakuryentena.
-- ADVERTISEMENT --
Dagus a naitaray iti ospital ngem naideklarar a dead on arrival.
