Inlawlawag ti Philippine Drug Enforcement Agency (PDEA) a saanda nga in-linked ni Senador Bong Go iti Philippine Offshore Gaming Operators (POGOs) ken dagiti aktibidad nga adda pakainaiganna iti illegal a droga.
Segun ti PDEA, saan a maibilang ti Senador nga incorporator ti aniaman a korporasyon nga adda pakainaiganna iti operasyon ti POGO, ken saan a karaman ti drug watchlist.
Innayon pay ti ahensiya nga iti naipakita a matrix ket produkto ti nagpatitipon nga impormasyon manipud imbestigasyon ti Senado ken Kamara mainaig iti illegal a droga ken POGO, pakairaman ti rekord manipud iti intel ti ahensia.
Iti laksid dagiti isyu ti politika ita, impatangken ti PDEA nga agtaltalinaedda nga Apolitical ken non-partisan.
Agtaltalinaedda a napudno iti sinapataanda a misyon a protektaran ti pagilian ken Pilipino kontra iti animan a pangta iti illegal a droga.
