Target ita ti Philippine National Police ti nainginget a kampania kontra iti ilegal a droga iti uneg dagiti pagadalan, saan laeng a para kadagiti estudyante ngem uray dagiti mangisursuro ken staff kasaruno ti pannakakemmeg ti maysa nga school principal iti buy-bust operation idiay Surigao del Sur.
Segun ken ni PNP chief General Jose Melencio Nartatez Jr., makapadanag ti pannakairaman ti opisial ti pagadalan iti panaglakwan ti ilegal a droga gapu ta isuna kuma ti masapul a mangidaulo ti panangiwanwan kadagiti agtutubo.
Maipalagip a nakemmeg ti agtawen ti uppat a pulo ket lima a suspek a maysa a District 1 School Supervisor ken Principal III, iti insayangkat nga operasion ti PNP ken Philippine Drug Enforcement Agency (PDEA).
Nakumpiskar manipud kenkuana ti mapapati a shabu nga aggatad ti P6, 800 ken ti nausar a buy bust money.
