Insigida a nangipatulod ti Philippine Charity Sweepstakes Office (PCSO) iti tulong ken dagiti Patient Transport Vehicle (PTV) para kadagiti naapektaran a pamilia iti ginggined idiay Mindanao kasaruno iti bilin ni President Ferdinand Marcos Jr.
Nangipatuloddan iti rinibo a relief goods, lugan para iti emergency ken dadduma pay a tulong medical kadagiti lugar a nadidigra.
Ti kabaroan a relief operation ket kasaruno iti immunan a tignay ti PCSO babaen ti Authorized Agenct Corporations nga insigida nga agtignay ken mangted ti tulong kadagiti komunidad a naapektaran ti uneg iti duapulo ket uppat nga oras kalpasan iti ginggined.
Alas kuatro iti parbangon iti June 11, insagana ti Villamor Air Base ti dadakkel a kargamentp ti relief goods iti PCSO para iti transportasyon, koordinasyon iti Office of Civil Defense ken Philippine Air Force, tapno masigurado ti napaspas a pannakaipaay ti tulong kadagiti agkasapulan a komunidad.
Maysa nga Airbus C-295 aircraft ti nailatang para iti umuna a biahe iti panagipatulod ti relief goods agturong idiay General Santos City, ken simmaruno iti C-130 flight tapno ipatulod ti nabatbati a relief goods nga insagana iti PCSO.
Dagiti relief pack a naipatulod ket nakalatang para iti insigida a panagiwaras kadagiti lugar a nakaru a naapektaran kangrunaan kadagiti pamilia a nagbakwit ken residente idiay Barangay Calumpang, Apopong ken Lagao idiay General Santos City, kasta payen dagiti apektado a komunidad iti ili ti Malapatan, Sarangani.
