Umaboten iti P11.92 bilyon ti perdisyon iti imprastruktura ken agrikultura gapu ti enhanced southwest monsoon wenno habagat ken dagiti naglabas a bagyo Luis, Maymay, Neneng ken Pilandok, segun iti Office of Civil Defense.
Pinasingkedan ni OCD Disaster Preparedness Service Director Gregorio B. Tomas, umabot iti P7.79 bilyon ti perdisyon iti imprastruktura ken P4.13 bilyon met ti pannaka-lugi iti agrikultura.
Apektado met ti saan a nasayaat a paniempo ti 10.2 milyon nga indibidwal wenno 2.9 milyon a pamilia iti 6, 900 a barangay iti Regions I, III, V ken VI, kasta pay ti CALABARZON, Cordillera Administrative Region, National Capital Region ken MIMAROPA.
Adda 552 a lugar ti nalayus, idinto nga 807 evacuation center a nagbakwitan iti mapatta-patta nga 18, 100 a pamilia wenno 62, 300 nga indibidwal.
