Imbilin ti Sandiganbayan Sixth Division ti 90-days a preventive suspension kontra ken ni Uswag Ilonggo Party-list Representative James “Jojo” Ang Jr. mainaig ti kaso a graft a sangsangoen na iti anti-graft court.
Iti salinong ti intuding ti Section 13 ti Republic Act No. 3019 wenno Anti-Graft and Corrupt Practices Act, mandatory ti panagipataw ti suspension iti asinuman a pampubliko nga opisial a sumangsango ti pormal ken otorisado a kaso ti korapsion bayat a mannarimaan ti panagdengngeg.
Ti kaso ket gapu iti 14 counts ti graft nga impila ti Office of the Ombudsman kalpasan a rimmuar iti imbestigasyon a maipagarup nga adda daytoy ti financial interest kadagiti kontrata ti Department of Public Works and Highways (DPWH) babaen ti panagbalin nga stakeholder ken pannakainaig ti dua a kompania.
Segun iti prosekusion, iti probision ti Article VI Section 14 ti 1987 US ken Philippine Constitution, nainget a maiparit dagiti miembro ti Kongreso a maaddaan ti direkta nga interes iti aniaman a kontrata iti gobierno iti uneg ti panagserbi da.
