Inallukoy ti Philippine National Police (PNP) ti publiko nga aramaten ti 911 hotline no adda didigra tapno mapadaras ti panagresponde dagiti otoridad.
Segun ken ni PNP chief Gen. Jose Melencio Nartatez Jr., ti Unified 911 ket mainanaig iti kapulisan, Bureau of Fire Protection, medical services, ken rescue teams babaen iti maymaysa nga emergency number.
Kinuna ni Nartatez a saan laeng dayta a para kadagiti krimen no diketdi para kadagiti pagkasapulan dagiti umuli iti panawen ti bagyo ken dadduma pay a didigra, pakairamanan ti preemptive evacuation, search and rescue operations ken dadduma pay nga emergency.
Impaganetgetna a ti nasapa a panagreport iti insidente ket makatulong tapno mapadaras a mapagaraw dagiti responder, kangrunaan iti no saan a nasayaat a panawen.
Innayonna nga agtultuoy a papigsaen ti PNP ti emergency response capability babaen ti Unified 911 hotline kas paset iti panagsagana ken napaspas a panangted iti serbisio publiko iti panawen ti emergency.
