Nagpanawagan ti Malakanyang ti naan-annad ken responsible a panagipadamag kadagiti insidente ti pammaltog kadagiti pagadalan, kangrunaan no menor de edad ti karaman.
Segun ken ni Palace Press Officer Atty. Claire Castro, masapul a liklikan ti panangited dagiti detalye a mabalin a mangitunda ti panagtulad wenno copycat acts.
Pinasingkedan ni Castro a napateg a maisuro kadagiti agtutubo ti husto nga ugali, panagraem iti pada a tao ken nasayaat a pannakilanbgen kadagiti kaadalan ken mangisursuro.
Kasaruno daytoy ti agsuna nga insidente ti pammaltog iti maysa a pagadalan idiay Tacloban ken Ateneo de Zamboanga.
Kiniddaw ti Malakanyang iti media a protektaran ti dignidad, kinatalged ken privacy dagiti menor de edad, kas pay dagiti napanawan a pamilia ken iti agtultuloy nga imbestigasion dagiti insidente.
