Nagpalagip ti Philippine Coast Guard kadagiti biahero ita a holiday season nga agridam kontra kadagiti managgundaway a tattao iti baet ti adu a pasahero kadagiti pantalan.
Balakad ni PCG Spokesperson Commodore Armando Ricafrente kadagiti umili a saanda a talken nga insigida dagiti agdadawat iti kuarta tapno matulongan ida no di ket ireport iti Philippine Coast Guard wenno iti dadduma pay a sangay ti ahensia kas ti Philippine National Police.
Inyunay-unay ni Ricafrente a prayoridad latta ti PCG ti naurnos ken patas a proseso iti panangilugan kadagiti pantalan.
Inallukoy ti opisial dagiti pasahero a sumurot iti husto a ticketing ken booking procedures ken impasiguradona a makitinnulongda kadagiti dadduma pay nga ahensia ti gobierno tapno masigirado ti kinatalged ken seguridad kadagiti pantalan ti pagilian iti manamnama nga yaadu
