Naituding a kapatang ni Presidente Ferdinand Marcos Jr da Senate President Vicente Sotto III ken House Speaker Faustino Dy III tapno kiddawen a maikkan isuna ti turay tapno kissayan ti excise tax iti produkto petrolyo.
Dayta ket no lumabes iti $80 per barrel ti presio ti krudo ti Dubai gapu iti epekto ti riribuk iti nagbaetan ti Iran, Israel, ken Amerika.
Segun ken ni Marcos, paset daytoy iti mapampanunotna a contingency measure tapno lumag-an ti epekto ti riribuk iti Middle East.
Maysa kadagiti makitkita pay ti gobierno a contingency measure ti panangipaayda iti fuel subsidy para kadagiti adda iti transport sector, karaman dagiti mannalon ken mangngalap.
Adda pay koordinasion iti nagbaetan ti Department of Energy ken dagiti kompania ti langis a ti ania man a panagpangina iti presio ti langis ket nasken nga in-inut a maipatungpal, saan ket a gulpe.
