Imbilin ni Presidente Ferdinand Marcos Jr ti panangiparuar iti P21.47 billion tapno agtuloy dagiti infrastructure project, agtuloy dagiti trabaho ken masalwadan dagiti Pilipino iti epekto ti riribuk iti sangalubongan.
Gapu dayta, dagus a nagtignay ti Department of Budget and Management tapno masigurado a saan a maitantan ti panangipaay iti serbisio nangruna ta nakaro ti epekto ti nangina a produkto-petrolyo.
Ti P18.65 billion met ket nairuar iti Department of Public Works and Highways tapno agtalinaed dagiti infrastructure project iti intero a pagilian, ken masigurado ti agtultuloy a pagbiagan, natalged a kalsada, ken saan a pannakaitantan dagiti economic activity.
Adda pay nayon a P324.36 million a nairuar iti DPWH tapno mabayadan ti obligasion iti foreign-assisted infrastructure project ken masigurado ti husto a tiempo iti pannakakompleto ti proyekto.
