Pinasingkedan ni US Ambassador to the Philippines Lee Lipton a padpadarasen ti Pilipinas ken Amerika ti Pax Silica initiative.
Pinasingkedan ni Lipton a naaddaan isuna ti “GREAT meeting” kadua ni Executive Secretary Ralph Recto, no sadino trinatar da ti panangpadaras ti Luzon Economic Corridor ken Pax Silica.
Ti Pax Silica Economic Security Zone ket plano a proyekto ti Pilipinas ken US iti salinong ti Luzon Economic Corridor a nakapokus iti semiconductors, AI, critical minerals processing, advanced manufacturing, ken digital infrastructure tapno mangallukoy kadagiti agpupuunan ken makapartuat ti de-kalidad a trabaho.
Nupay kasta, adda dagiti grupo a madanagan iti posible nga epekto na iti danum, kuryente, aglawlaw, agricultural land ken panagbiag dagiti mannalon, kasta pay dagiti akem dagiti gangannaet nga agpuonan.
