Suportado dagiti opisial ti Amerika ken Japan iti economic agenda ni President Ferdinand Marcos Jr., partikular iti panangpapigsa ti panagpuonan ken imprastruktura iti salinong ti Luzon Economic Corridor (LEC).
Pinasingkedan ni United States Trade and Development Agency Deputy Director ken Chief Operating Officer Thomas Hardy a napateg a maiyakar ti plano ti LEC kadagiti konkreto a proyekto ken panagpuonan.
Impaganetget ni Hardy ti kinapateg ti “careful planning, strong partnerships, ken investment a mangpataud ti oportunidad.
Kabayatanna, impakaammo met ni United States Ambassador to the Philippines Lee Lipton nga agtaltalinaed a natibker ti alyansa ti dua a pagilian.
Segun ken ni Lipton, makatulong ti LEC iti panangaramid ti ad-adu a panagpuonan, imprastruktura ken trabahjo idiay Subic, Clark, Manila ken Batangas, pakairamanan dagiti industriya kas ti semiconductors, artificial intelligence ken trusted technologies.
Manipud met iti Japan, pinasingkedan ni Chargé d’Affaires ad interim Ono Sho a ti LEC ket maysa a “pivotal initiative a mangpapigsa ti economic growth ken connectivity ti Pilipinas kasta pay a manglukat ti immense potential iti rehiyon.
