VIGAN CITY – Patien ti pamilya ni Jose Abella Tejada, agtawen ti walo pulo ket siam nga agnaed idiay Brgy Sidaoen, Sta. Cruz nga awan ti foul play iti pannakatay na kalpasan a nasarakan iti kataltalunan iti bangkay na.
Segun ken ni Police Capt. Roger Balingoay, hepe ti Sta. Cruz municipal police station, alas nuebe iti bigat idi October 2 a napan iti taltalon ti biktima nga isu ti nakairuamanna nga ubraen ti inaldaw.
Agsipud ta saan metten a nakasubli iti pagtaenganda, sinapul ti kabsat na a ni Millano Abella Tejada ket nasarakan na ti biktima a nakapakleb iti tingnga iti kataltalonan.
Mapapati a ti kinalakay ti biktima ken ti kinapudot ti tiempo iti impatay na agsipud ta awan met iti rimuwar iti imbestigasyon dagiti otoridad nga adda iti nangdangran ken ti biktima nga isu kuma iti patien da a rason iti inpatay na.
