VIGAN CITY – Manarimaan pay laeng iti naing-inget nga imbestigasyon ti Sta. Maria municipal police station iti pannakapapatay ni Reynaldo Castro nga agtawen ti innem a pulo ket maysa, retirado a pulis ken agnaed idiay Barangay Baliw Laud, Sta. Maria a napaltugan idi kalman idiay Poblacion Sur, Sta. Maria, iti mismo kampo santo iti ili.
Adda dagiti anggulo kas iti koneksyon iti dati a trabaho wennu negosyo iti kitkitaen ti Sta. Maria PNP nga idaulwan ni Police Captain Regin Cabico a posible a rason iti pannakapapatay ni Castro.
Pinasingkedan ni Cabico a napan iti kampo santo ti biktima ta napan nagpa-aramid iti musuleo dagiti katugangan na ket idi agtugtugaw iti igid iti kalsada ta kitkitaen na dagiti trabahador nga innala na nga agtrabtrabaho, adda iti limmabas iti sanguwanan na a nakamotorsiklo a lallaki a nangpalto-paltog kenkuana a puon ti nakatayanna.
Ti agdama, makikinkinnammayeten dagiti otoridad kadagiti kameng ti pamilya ti biktima tapnu makaala da iti naan-anay nga impormasyon inaig iti pudno a motibo iti pannakapapatay ti biktima.
