Pinirmaan ni President Ferdinand Marcos Jr. iti gakat a mangipaay ti libre a legal assistance kadagiti suldado ken dadduma pay a uniformed personnel a sumangsango ti kaso kagiddan ti immadu nga insidente a mainaig iti performance iti trabahoda ken sabali pay a mangiparit iti production, stockpiling ken panagaramat iti chemical weapons.
Ti Free Legal Assistance for Military and Uniformed Personnel Act ken ti Chemical Weapons Prohibition Act ket napirmaan idi April 15.
Sakupen ti Free Legal Assistance for Military and Uniformed Personnel Act wenno Republic Act No. 12177 dagiti officers, enlisted ken unformed personnel iti Armed Forces of the Philippines, Bureau of Fire Protection, Bureau of Jail Management and Penology, Philippine Coast Guard, Bureau of Corrections, Philippine National Police ken ti hydrography branch iti National Mapping and Resource Information Authority.
Dayta ket ti service-related cases kas ti civil, criminal ken administrative cases a naipila kontra ti military wenno uniformed personnel a mainaig iti/ wenno konektado iti pannakawaya iti official functions wenno performance iti duty-da.
Iti salinong ti linteg, dagiti military wenno uniformed personnel a sumangsango iti aniaman a service-related case iti prosecutor’s office, korte, quasi-judicial wenno administrative body wenno aniaman a competent body wenno tribunal ket maipaayan ti libre a legal assistance.
Mabalin pay ti free legal assistance kadagiti retired ken honorably discharge ken separated military wenno uniformed personnel a na-commit iti service-related cases bayat idi aktibo pay laeng iti akemda.
Nupay kasta, saan nga entitled ti maysa a suldado wenno uniformed personnel nu adda conflict of interest a nakalanad iti linteg ta mabalinna a apektararan iti concerned agency.
