Naipila iti House of Representatives ti pannakaibalud ken muelta nga agingga P2 million kontra kadagiti agiwaras ti fake news kangrunaan ti saan a pudno nga impormasyon a mangitunda ti risgo ti public order ken national security.
Impila ni Cagayan de Oro City 2nd district Rep. Rufus Rodriguez ti House Bill No. 11506 a napauluan nga “An Act penalizing the malicious and deliberate dissemination of false information that undermines public order or national security, strengthening regulations on fake news through digital platforms, and for other purposes.”
Segun ken ni Rodriguez, ti karbengan iti freedom of speech, of expression ken of the press ket mayataday iti salinong ti Section 4, Article III iti konstitusyon ket maysa a pillar iti democratic governance.
Maibasar ti gakat, ti fake news ket isu dagiti saan a pudno wenno misleading information a kasla mangirepresentar ti pudno wenno damag, a maipatulod ken rason ti madi a panangawat iti publiko, mangallilaw, gura wenno kinaranggas ken mangriribok ti public order.
Gagem ti nasao nga impormasyon nga allilawen, manipulaen wenno impluwensyaan iti publiko ti perception, behavior wenno polisiya.
