--Ads--
Nagballaag ti Presidential Communications Office (PCO) kontra iti panagraira ti madi nga impormasyon a gungundawayan iti agdama a sitwasyon iti enerhia iti pagilian.
Kinuna ni PCO Secretary Dave Gomez a madusa iti salinong ti linteg ti siasinoman a mangigagawa ken agiwaras iti peke a damag iti online.
Impalagip ni Gomez a ti panagiwaras iti peke a damag ket adda dusana nga umabot iti innem a bulan a pannakaibalud kasaruno ti Revised Penal Code.
No maaramid iti online ket madoble iti pannusa iti salinong ti Cybercrime Prevention Act.
-- ADVERTISEMENT --
Segun pay ken ni Gomez, ti disinformation ket mangdadael ti talek iti publiko, mangpakapsot iti ekonomia ken mangitunda iti peggad iti pagsayaatan dagiti umili iti baet ti karit iti enerhiya.
