Insingasing ni House Committee on Higher and Technical Education Chairman ken Tingog Partylist Rep. Jude Acidre nga ipaayan ti kongreso iti emergency powers ni Presidente Ferdinand Marcos Jr tapno masulbar ti classroom crisis iti pagilian.
Segun ken ni Acidre, babaen iti emergency powers ket mapaalisto ti presidente ti panangipatakder kadagiti klasrum babaen iti panangpaalisto iti proseso ti procurement, panangikkat iti red tape, ken panangisayangkat iti direkta a mobilization resources.
Dinakamat ni Acidre ti record ti Department of Education nga umaboten ti 165,000 ti kurang a classroom ngem agingga 4,869 laeng dagiti baro a klasrum a naituding a maipatakder inton 2026 ken posible nga abuten pay iti 55 a tawen sakbay a makompleto dagiti nasken a maipatakder a klasrum iti intero a pagilian.
Innayon ti kongresista a maibasar iti panagadal ti Second Congressional Commission on Education 2, ti classroom shortage ket makaapektar iti access ken kalidad ti edukasyon.
