Ad-adalen ti gobierno a mangituding ti price cap iti imported a bagas tapno saan a manayunan ti rigat dagiti umili iti ngumin-ngina a presyo iti langis.
Dayta iti pinasingkedan ni Pres. Ferdinand Marcos Jr. iti linawas a vlog-na iti baet ti nakaru nga epekto ti riribok idiay Middle East.
Segun ti presidente, ad-adalen ti Department of Agriculture ti plano tapno masigurado a saan a manayunan ti rigat ti consumers iti presyo dagiti kangrunaan a taraon.
Kinuna ni Marcos a mapagpapatangan iti pannakaipan ti price cap iti bagas isu a rumbeng laeng a padaanan.
Siguradoen ti presidente nga awan ti parikot ti suplay iti bagas ta umdas ti suplay ken makontrol pay laeng iti presyo.
Kabayatanna, agtultuloy iti panagilako iti P20 kada kilo a bagas iti 177 a local government units ken maipan pay iti dadduma a lugar tapno adu a Pilipino iti mairanud iti nalaka a presyo ti bagas.
