VIGAN CITY – Komplikado ti implikasyon ti panangamin ni dati a Department of Health (DOH) Secretary Francisco Duque III a mismo a ni dati a President Rodrigo Duterte ti nagbilin nga iyakar ti P47.6 billion Covid Funds iti DOH ti Procurement Service ti Department of Budget and Management (DBM).
Segun ken ni Senador Panfilo Lacson, napateg a lawagen ni Duque nu imbilin ti dati a presidente wenno maibasar laeng ti rekomendasyon ti DOH, PhilHealth wenno ti nabukel nga Inter-Agency Task Force.
Insaludsod ti dati a senador nu inaramid laeng ni Duque ti panagamin tapno madepensaran ti bagina.
Impalagip ni Lacson a saan a naisao ti dati a secretary dagiti naisayangkat a panagdenggeg idi inaig ti isyu ti Pharmally.
Nupay kasta ket naipilan ti kaso ti Office of the Ombudsman nga adda kainaigan ti Pharmally Case kas maibasar ti imbestigasyon ti Senado.
