Pormal a sumango iti imbestigasion ti Senate Blue Ribbon Committee ni dati nga Ilocos Sur Governor Chavit Singson tapno mangilawlawag ti isyu iti maanomalya a flood control projects.
Daytoy ket kalpasan a kinumpirmaran ni Senate President Pro Tempore Panfilo Lacson nga inawat ti komite ti boluntario a kiddaw ni Singson a tumestigo.
Nupay saan a naidalan iti pormal a vetting wenno panagsukisok iti agbalin a testimonia ti dati a governor, inlawlawag ni Lacson a dagus na a pinatgan ti kiddaw kalpasan a naka-sentro ti statement ti dati nga opisial iti nadakamat a kontrobersiya.
Pinasingkedan pay ti Lacson nga uray awan pay ti naipasa nga affidavit ket naan-anay ti pakainaigan ti statement ni Singson iti maisaysayangkat nga imbestigasion.
Nakatuding ti sumaruno a panagdengngeg ti komite inton Abril 14 ngem maipagarup a mabalin pay a maisap-sapa.
