Idurduron ni Parañaque City Rep. Brian Yamsuan ti pannakaipatakder ti barangay assistance desks ken mobile legal clinic iti pagilian tapno masigurado a makadanon ti libre a legal assistance kadagiti adayo a lugar.
Segun ken ni Yamsuan, ti panangted ti nadaras nga access iti legal assistance ket saan laeng a makatulong a mapabassit ti agwat iti hustisia iti nagbaetan ti privileged ken marginalized sectors no diketdi mangted pay iti kabaelan kadagiti Pilipino tapno maawatan ken mailaban dagiti karbenganda a legal.
Maibasar ti listaan manipod World Justice Project, walo tunggal sangapulo a Pilipino ti awan ti access-na iti legal assistance.
Mapapati a karaman dagiti sektor a nakaru a naapektaran ti overseas Filipino workers (OFWs), persons with disabilities (PWDs), small and medium enterprise (SME) owners, ken indigent individuals.
Maibasar iti naipila a House Bill 9476 ni Yamsuan, ti mobile legal clinics ket maipatakder ken patarayen ti Department of Justice (DOJ) ken Public Attorney’s Office (PAO).
