Dead on arrival ti maysa a drayber iti panagdinnungpar ti motorsiklo ken trak iti national highway ti Barangay Dan-ar, Santiago, Ilocos Sur.
Ti natay a drayber ket maysa a lalaki nga agtawen iti duapulo ket lima, taga-Barangay Olo-Olo Sur, Santiago.
Ti met drayber ti trak ket maysa nga agtawen iti limapulo ket dua, taga-San Jose, Narvacan.
Iti pannaki-uman ti Bombo Radyo Vigan ken ni PLT. Jaime Caban Jr., Deputy Chief of Police, agpapa-abagatan ti trak idinto nga adda iti bangir a linya ti motorsiklo.
Idi madanonda ti nakapasamakan ti aksidente, nag-overtake ti motorsiklo ket napan iti bangir a linya isu a nagdinnungparda iti trak ket naitama ti ulona iti bumper ti trak.
Gapu dayta, nagsagrap iti nakaro a dunor iti ulo ken bagi ti drayber ti motorsiklo a naitaray iti ospital ngem saanen a nakalasan idinto a saan met a naan-ano ti drayber ti trak.
Naammuan a nutshell laeng ti inaramat ti suspek a kas helmet-na.
